Уҙған шишәмбе хоккейсылар, команданың тренерҙар штабы көйәрмәндәр менән осрашып, өс өлөштән торған сарала ҡатнашты. Башта мини-футбол буйынса дуҫтарса матч уйнаһалар, һуңынан «Өфө-арена»ла бергәләп боҙҙа шыуҙылар. Осрашыу аҙағында уйынсыларҙан автограф алыу мөмкинлеге лә булды, фотосессия ойошторолдо.
Юлаевсылар миҙгелде тамамлағандан һуң Саҡмағош районы, Сибай һәм Нефтекама ҡалаларының йәш хоккейсыларына оҫталыҡ дәрестәре менән сығыш яһағайны, «Бөтә Башҡортостанға» тип исемләнгән турҙың йомғаҡлау нөктәһе Өфөлә үтте.
Гөлназ Хәйбуллина
