Салауат районы хакимиәте башлығы урынбаҫары Айгиз Әхмәтйәнов белдереүенсә, әле Малаяҙ, Сулпан һәм Илтәй ауылдары йылғаларында боҙ шартлатыла. Алдағы көндәрҙә ҡотҡарыусылар Мәхмүт, Беренсе һәм Икенсе Иҙелбай ауылдарында эшләргә ниәтләй. “Халыҡ араһында аңлатыу алып барабыҙ”, - ти Айгиз Әхмәтйәнов.
Һыу баҫыу хәүефе булған урында йәшәүселәр һәр саҡ әҙер торорға тейеш. Ғәҙәттән тыш хәлдәр буйынса дәүләт комитеты рәйесе урынбаҫары Морат Задин халыҡҡа ошондай кәңәш бирҙе.
Республика йылғаларындағы һыу кимәлен онлайн күҙәтергә була. Быйыл Башҡортостанда 54 гидропост ҡуйылған.
