Халыҡ-ара дуҫлыҡты нығытыусыларҙың береһенә дуҫлыҡ бүләге. Өфө Тарих, тел һәм әҙәбиәт институты директоры Зөһрә Рәхмәтуллинаға республиканың Халыҡтар дуҫлығы ордены тапшырылды. Ул Башҡортостан халыҡтары Ассамблеяһы Советы рәйесе, билдәле ғалимә. “Ил үҫеше халыҡтар берҙәмлегенә бәйле. Тотороҡло төбәктә иҡтисад үҫешә, кешеләр бәхетле йәшәй. Дәүләт бүләге иһә күп милләтле Башҡортостан символы”, - ти Зөһрә Йыһанур ҡыҙы.
