Диспансерлаштырыуҙың төп маҡсаты – сирҙәрҙе ваҡытында асыҡлау һәм иҫкәртеү. Быйыл республикала 1 миллиондан ашыу кешенең һаулығын тикшереү ҡарала. “Һәр кем сәләмәтлегенә яуаплы булырға тейеш”, - ти медицина фәндәре докторы, профессор Сәлиә Мырҙабаева.
18 йәштән 39 йәшкә тиклемгеләр өс йылға бер тапҡыр, 40 йәштән өлкәндәр йыл һайын диспансер тикшереүе үтә ала. Ауыл халҡын күсмә медицина бригадалары ҡарай.
Башҡортостанда 18 апрелдән “Сәләмәтлек поездары” юлға сыға. Улар алты маршрут буйынса йөрөй. Йүнәлештәр исемлеге, табиптарҙың ҡабул итеү ваҡыты менән Һаулыҡ һаҡлау министрлығы сайтында танышырға мөмкин.
