Бөгөн Өфөлә танылған шағирә Тамара Юлдашеваның “Һайланма әҫәрҙәр” китабы менән таныштыралар. Ул Әхмәтзәки Вәлиди исемендәге Милли китапханала ойошторола. Әҙибә әйтеүенсә, йыйынтыҡҡа төрлө йылдарҙа яҙылған шиғырҙар һәм поэмалар ингән.
Тамара Юлдашева байтаҡ йылдар Башҡортостан радиоһында, республика матбуғатында эшләне. Һуңғы йылдарҙа “Аҡбуҙат” балалар журналын етәкләне. Ул Башҡортостандың атҡаҙанған матбуғат һәм киң мәғлүмәт хеҙмәткәре, Салауат Юлаев ордены кавалеры.
