Бөгөн Милли кейем көнө билдәләнә. Республика Башлығы Указына ярашлы, байрам йыл һайын апрелдең өсөнсө һәм сентябрҙең икенсе йомаһы уҙғарыла. Милли кейем һаҡланмаһа, туған тел дә онотола. Республика халыҡ ижады үҙәге белгесе, фольклорсы Гөлгөнә Баймырҙина ошондай фекерҙә. Ул Башҡортостандың төрлө төбәктәренә, шулай уҡ Ҡурған, Силәбе, Ырымбур, Һамар һәм башҡа өлкәләргә сығып милли кейем өлгөләрен өйрәнә.
“Милли кейем – асылыңа ҡайтыу”, - ти Өфө районы Шамонин ауылы Ағинәйҙәр ҡоро рәйесе Рәйфә Вәлиева.
Был минуттарҙа республика Милли китапханаһында милли кейемгә арналған түңәрәк өҫтәл башланып тора. Унда Мәҙәниәт министрлығы вәкилдәре, ғалимдар, дизайнерҙар һәм рәссамдар ҡатнаша.
