Быйыл был дата 39-сы тапҡыр билдәләнә. Башҡортостанда 1273 тарихи һәм мәҙәни ҡомартҡы дәүләт тарафынан һаҡлана. Дөйөм алғанда, 5 мең ярым тарихи урын иҫәпләнә. 2002 йылдың 25 июнендә сыҡҡан законға ярашлы, һәр һәйкәлгә иғтибар һәм тәрбиә булырға тейеш. Белгестәр әйтеүенсә, йылына 200-ләп тарихи һәм мәҙәни һәйкәл юҡҡа сыға. Тарих фәндәре докторы, профессор Марат Ҡолшәрипов.
Баш ҡалабыҙҙың Совет майҙанында яңы һәйкәл асыла. Ул генерал Миңлеғәли Шайморатовҡа арналған. Һәйкәлдең авторы - скульптор Салауат Щербаков. Уны тирәләп 5 метрлыҡ 24 таш бағана урынлаша. Һәйкәлде асыу Республика көнөнә планлаштырылған.
