Башҡортостан буйынса Эске эштәр министрлығынан хәбәр итеүҙәренсә, полицияға Учалы районынан 39 йәшлек ир мөрәжәғәт иткән. Уға билдәһеҙ кеше шылтыратып 860 мең һумға кредит буйынса заявкаһының хупланыуы тураһында хәбәр иткән. Әммә аҡсаны алыу өсөн 43 мең һум страховка түләргә ҡушҡан. Ир тейешле сумманы күсергән, әммә аҙаҡ элемтәгә сыҡҡан кеше булмаған. Өфөлә 28 йәшлек егеткә банктан шылтыратыу килгән. Уның кредит буйынса 19 мең һумлыҡ бурысы булыуы тураһында хәбәр иткәндәр. Асыҡланыуынса, билдәһеҙ кеше уның исеменә микрозайм юллаған. Был ваҡиғалар буйынса тикшереү бара.
