Конгресс сентябрҙә була. Унда умартасылар, ғалимдар һәм белгестәр килеүе көтөлә. Форум умартасылыҡ буйынса тәжрибә уртаҡлашыу майҙаны булып тора. Сарала эшлекле осрашыуҙарҙан тыш, күргәҙмә, төрлө оҫталыҡ дәрестәре ойоштороу күҙаллана. “Айырыуса һаҡланған тәбиғәт биләмәләре” дәүләт дирекцияһы директоры урынбаҫары Юнир Исхаҡов һөйләй.
Форумға әҙерлек барышында бал һәм умартасылыҡ тауарҙары сифатын тикшереү буйынса лаборатория асыу ҡарала. Бынан тыш, Башҡорт дәүләт аграр университетында Умартасылыҡ һәм инновацион технологиялар компетенцияларын үҫтереү буйынса Бөтә Рәсәй үҙәге булдырыла.
