Дәүләт Йыйылышы – Ҡоролтай депутаттары йоғошло ауырыуҙарҙы профилактикалау тураһындағы законға үҙгәреш индерҙе. “Хәҙер дәүләт поликлиникаларында ғына түгел, шәхси медицина учреждениеларында ла түләүһеҙ вакцина эшләтеү мөмкинлеге булдырыла”, - ти парламент рәйесе урынбаҫары Рөстәм Ишмөхәмәтов.
Эпидемиологик күрһәткестәр буйынса профилактик прививкалар календарына 24 сирҙән вакцина индерелгән. Улар араһында коронавирус, ҡотороу, талпан энцефалиты, А һәм В гепатиты, себер түләмәһе, холера һәм башҡа ауырыуҙар бар.
