Предприятие республикала шифер етештереүсе берҙән-бер ойошма. Заводтың яҙмышы республика хөкүмәтендә Инвестиция сәғәтендә лә ҡаралды.
Ҡасандыр ул биналарҙың ҡыйыҡтарын ябыу өсөн алыштырғыһыҙ материал ине. Хәҙер иһә яңылары төҙөлөш баҙарын яулап алды. Әммә шулай булһа ла, шифер үҙ тәғәйенләнешен юғалтмай. Стәрлетамаҡтағы заводта уны етештереү дауам итә. Цемент үҙебеҙҙеке, санкциялар йоғонтоһо юҡ.
Киләсәктә завод төрлө төҫтәге фиброцемент сайдингы эшләп сығарырға иҫәп тота. Уның өсөн сит ил ҡорамалдарын һатып алыу талап ителә. Сығымдар яҡынса 100 миллион һум булыр, тип күҙаллана.
Завод Донбасҡа гуманитар ылау менән мең ярым квадрат метр шифер ебәргән. Тағы мең дана оҙатасаҡ.
Рәмилә Исмәғилева
