Был турала Башҡортостан Хөкүмәте оператив кәңәшмәһендә белдерҙеләр. “Көндәр йылытыу менән халыҡ тәбиғәт ҡосағына сыға. Янғын сығыу хәүефе арта”, - ти Ғәҙәттән тыш хәлдәр буйынса дәүләт комитеты рәйесе Фәрит Ғүмәров.
Ҡотҡарыусылар вертолет ярҙамында урман янғындарын һүндереү буйынса күнекмә үткәрергә әҙерләнә. Уны апрель аҙағында Белорет районында ойоштороу ҡарала.
