Күренекле йырсы һәм актер, педагог Мәғәфүр Хисмәтуллин исемендәге «Башҡорт һандуғасы» бишенсе республика конкурсы тамамланды. Традицион рәүештә, бәйге ике көн дауам итте. Музыкаль конкурста республиканың төрлө район-ҡалаларынан 17 йәштән 75 йәшкә тиклем 40 ҡатнашыусы көс һынашты. Гала-концерт Мәғәфүр Хисмәтуллиндың һәйкәленә сәскә һалыуҙан башланды.
Финалда 20 йырсы ҡатнашты. Еңеүселәр төрлө номинацияларҙа билдәләнде. Профессиональ йырсылар айырым баһаланды. Мәғәфүр Хисмәтуллин исемендәге «Башҡорт һандуғасы» музыкаль бәйгеһенең абсолют еңеүсеһе тип Иглин районы вәкиле Дамир Тайыпов танылды. 2025 йылда үтәсәк киләһе конкурс сәнғәт әһеленең 110 йыллығына арналасаҡ.
Рәзилә Ғиниәтуллина
