100-ҙән ашыу кеше Башҡортостан Башлығы ҡулынан абруйлы бүләк алды. “Хеҙмәт ҡаһарманлығы өсөн” миҙалы һөнәри оҫталыҡ, күп йыллыҡ намыҫлы хеҙмәт һәм эшендә юғары ҡаҙаныштарға өлгәшкәндәргә тапшырыла.
Башҡортостандың халыҡ артисы Ишморат Илбәков “Хеҙмәт ҡаһарманлығы өсөн” миҙалына лайыҡ булды. Ул башҡорт ҡурайын бөтә донъяға танытҡан музыкант. Ишембай нефть колледжы уҡытыусыһы Фирҙәүес Әһлиуллина Башҡортостан Башлығы Рәхмәт хаты менән бүләкләнде. Ул уҡытыусылар династияһын дауам итә.
