Әлегә продукция һынау рәүешендә бер нисә белем усағына ғына таратыла. Майҙансыҡ булараҡ Өфө районы һайланған. Мәҫәлән, Михайловка ауыл мәктәбендә 700-гә яҡын бала уҡый. Балалар баҡсаһында ике йөҙ самаһы ҡыҙ һәм малай тәрбиәләнә. “Беҙҙең балалар үҙебеҙҙә етештерелгән, сифатлы һәм тәмле йогуртты яратып ашай”, - ти ата-әсәләр комитеты вәкиле Гөлфинә Салауатова.
Башҡортостан йод ҡытлығы күҙәтелгән төбәктәр исемлегендә. “Был матдә етешмәгән осраҡта, ҡайһы бер ауырыуҙар барлыҡҡа килергә мөмкин”, - ти медицина фәндәре докторы Зәкиә Тереғолова. Ул йодланған тоҙ ҡулланырға тәҡдим итә.
Байтаҡ илдәрҙә һатыуға йод ҡушылған тоҙ ғына сығарыла.
