Санкт-Петербург дәүләт педиатрия университеты ректоры район педиатрҙары менән тәжрибә уртаҡлаша.
Рәсәйҙең баш неонатологы эш сәфәре барышында республикала сабыйҙар үлеменең кәмеүен билдәләне. Май дауамында Санкт-Петербург педиатрия университеты белгестәре бала табыу, әсәләргә ярҙам итеү буйынса методик кәңәштәр бирә. Быға тиклем улар Башҡортостанда 2019 йылда булған. Тәжрибә ыңғай һөҙөмтә күрһәткәс, әсә һәм бала һаулығына ҡағылышлы консультацияларҙы телемедицина аша ғына түгел, ә күҙгә-күҙ ҡарашып үткәрергә ҡарар ителә.
Был юлы белгестәр Өфөләге республика перинаталь үҙәгендә эшләй. Әйткәндәй, һәр 3-сө сабый перинаталь үҙәктә донъяға килә. Дмитрий Иванов баш ҡала һәм республика райондары табиптары менән видеокәңәшмә уҙғарҙы.
Әлфинә Килдейәрова
