Әле майҙандарҙың өстән ике өлөшөндә иртә культуралар сәселгән. Был турала бөгөн Республика хөкүмәтендә оператив кәңәшмәлә Вице-премьер-Ауыл хужалығы министры Илшат Фәзрахманов белдерҙе. Ҡырмыҫҡалы, Илеш, Әлшәй, Ауырғазы һәм Стәрлетамаҡ хужалыҡтары юғары һөҙөмтәгә өлгәшә.
Көйөргәҙе районында ла сәсеү йылдам бара. Быйыл культуралар 74 меңгә яҡын гектарҙа сәселә, әлегә 53 меңендә эштәр теүәлләнгән. “Искра” хужалығы агрономы Рәүеф Абдуллин һөйләй.
27 майҙа Ҡырмыҫҡалы районында “Сенаж көнө” уҙғарыла. Унда республикала мал аҙығын әҙерләү кампанияһына старт бирелә.
