Ярышта Рәсәйҙең төрлө төбәктәренән, хатта сит илдәрҙән дә командалар ҡатнаша.
Быйылғы чемпионат Өфө дәүләт авиация техник университетының 90 йыллығына арнала. Был осраҡлы түгел, һуңғы 5 йылда сәмле ярыштар тап ошо уҡыу йорто базаһында ойошторола.
Һайлап алыу туры 21 майҙа үткән, Башҡортостанға иһә төбәк кимәлендә еңеү яулаусылар килгән. Ойоштороусылар әйтеүенсә, программалалар әҙерләү рәсми рәүештә спорт төрө тип танлыған. Тик ул башҡа йүнәлештәрҙән айырмалы рәүештә интелектуаль көс талап итә. Был ярышҡа компьютер генийҙары йыйылған тип әйтергә мөмкин.
Өфөләге чемпионат бер нисә этапты үҙ эсенә ала, йәштәр теорияны үҙләштереү кимәлен дә күрһәтә, туплаған белемдәрен ғәмәлдә лә һынап ҡарай.
Рәмзиә Кәримова
