“Батырлыҡ өсөн”. Өфөнән Гөлнәфиә Тимершина һәм уның улы Артем үлгәндән һуң ошондай миҙал менән бүләкләнде. Награда Гөлнәфиә Фоат ҡыҙының бер туған ҡустыһы Йәмилгә тапшырылды. “Әсә һәм уның 12 йәшлек улы ғүмерҙәрен аямай кешеләрҙе ҡотҡара. Был ысын ҡаһарманлыҡ өлгөһө”, - ти Ғәҙәттән тыш хәлдәр буйынса дәүләт комитеты рәйесе Фәрит Ғүмәров.
“Ҡыҙым бала саҡтан үткер һәм тырыш булды. Кеше бәләһенә битараф ҡала алманы”, - ти Гөлнәфиә Тимершинаның әсәһе Хануза Ямал ҡыҙы.
