Башҡортостанда ковид-19-ға бәйле хәл тотороҡло иҫәпләнә, яңы тулҡыны көтөлмәй. Әммә вирус үҙгәрә, сирҙе йоҡтормаҫ өсөн ревакциналау үтергә кәрәк. Республика буйынса Ҡулланыусылар хоҡуҡын күҙәтеү идаралығы бүлек етәксеһе Венера Саттарова әйтеүенсә, алты айҙан һуң ҡайтанан прививка яһатырға кәңәш ителә.
Республикала уҙған тәүлектә 61 кешелә коронавирус асыҡланған, дауаханала 3 пациент вафат булған. Бөгөнгә 2 миллион 523 меңгә яҡын кеше вакцина яһатҡан.
