Бөгөн баш ҡалала уларҙың әҙерлеген тикшереү буйынса рейд үтте. Комиссия ағзалары ҡотҡарыу сараларын, мәғлүмәт стенды барлығын ҡарай. Әйтергә кәрәк, унда температура күрһәткесе лә булырға тейеш.
Ҡомлоҡтар Рәсәй ҡулланыусыларҙың хоҡуғын күҙәтеү хеҙмәте идаралығы һыу һәм яр буйындағы тупраҡҡа анализ яһағандан һуң ғына эш башлай ала. Быйыл Өфөлә 10 пляжда һыу инергә мөмкин буласаҡ. Уларҙың тәрәнлеге һәм төбө тикшерелгән. Ял итеүселәр менән көтөлмәгән хәл була ҡалһа, ҡотҡарыусылар ярҙамға килә ала.
Рәмилә Исмәғилева
