Рәсәй әҙәбиәтен үҫтереүгә индергән өлөшө өсөн. Башҡортостан вәкиле «Николай Некрасовҡа – 200 йыл» миҙалына лайыҡ булды. Рәсәй Яҙыусылар союзы булдырған йәмәғәт наградаһы Иглин районы хакимиәте матбуғат хеҙмәтенең баш белгесе, яҙыусы-прозаик Әнәс Вәлиуллинға тапшырылды.
Ҡәләм оҫтаһының «Атайым күҙҙәре» тип исемләнгән хикәйәһе «Рәсәй прозаһы антологияһы»на ингән. Абруйлы баҫма илдең иң әһәмиәтле авторҙары әҫәрҙәрен туплаған. Әнәс Вәлиуллин – «Федор Достоевский» миҙалы һәм «Наследие» йондоҙо эйәһе, «Йыл яҙыусыһы» милли әҙәби премияһы номинанты ла.
Аркадий Шакшин псевдонимы аҫтында ижад иткән замандашыбыҙҙың әҫәрҙәре әҙәбиәт һөйөүселәрҙе тормошсан әҫәрҙәре менән арбай.
Рәзилә Ғиниәтуллина
