Шишмә районында “Патриот” паркы биләмәһендә “Авангард” тип исемләнгән үҙәк асылды. Бында егеттәр хәрби әҙерлек үтә, армия тормошо менән таныша ала. Үҙәк хәрби округы ғәскәрҙәре командующийы вазифаһын ваҡытлыса башҡарыусы, генерал-майор Олег Брагин әйтеүенсә, республикалағы үҙәк проекты илдә иң яҡшыларҙан иҫәпләнә.
“Авангард” хәрби-илһөйәрлек тәрбиә үҙәге төҙөлөшө дауам итә. Киләсәктә тағы икенсе һәм өсөнсө сираты файҙаланыуға тапшырыла. Ике тапҡыр Советтар Союзы Геройы Муса Гәрәев исемендәге Өфө мәктәп-интернаты директоры Фәнил Солтанғолов билдәләүенсә, хәрби-илһөйәрлек үҙәгендә егеттәргә дөрөҫ физик һәм рухи тәрбиә биреләсәк.
