“Урал аръяғы” Бөтә Рәсәй инвестиция һабантуйында төбәк-ара форум уҙҙы. Республика Хөкүмәте беренсе вице-премьеры – Иҡтисади үҫеш һәм инвестицион сәйәсәт министры Рөстәм Моратов белдереүенсә, бизнес-шерифтар район һәм ҡалаларҙа эшҡыуарлыҡты үҫтереүгә булышлыҡ итә. Башҡортостандың төбәк тулайым продуктының 30 проценты бәләкәй һәм урта бизнесҡа тура килә. Былтыр муниципалитеттарҙа “Эшҡыуарлыҡ сәғәте” ултырыштарында 447 миллиард һумға 3 мең 600-ҙән ашыу проект ҡаралған.
