Ул 21 июлдән 24-нә тиклем Йылайыр районы “Дуҫлыҡ” балалар лагерында ойошторола. Йыйында 18 йәштән 35 йәшкәсә ҡыҙҙар-егеттәр ҡатнаша. “Быйыл үҫеш майҙандары 3 йүнәлештә эшләй” ти, Йәш яҡташтар берлеге рәйесе Айбулат Йәмилев.
Юбилей йылында 300-ән ашыу ҡатнашыусылар булыуы көтөлә. Улар 15 командаға бүленәсәк. Ҡатнашыу тулыһынса бушлай. Әлеге ваҡытта ойоштороусылар командаһы туплана. Бәйләнештә селтәрендә “Аҫылташ” төркөмөнә ирекмәндәрҙән ғариза ҡабул ителә. Ойоштороусы Наҙгөл Касимова.
