Рәсәй Президенты янында Башҡортостандың тулы хоҡуҡлы вәкиле – вице-премьер Сергей Греков фарсы дәүләте вәкилдәре менән осрашты. Беҙҙең республиканың 128 сауҙа партнеры араһында Иран 10-сы урында килә. Былтыр тауар әйләнеше 121 миллион доллар булған. Осрашыуҙа нефть, энергетика, ауыл хужалығы өлкәләрендә хеҙмәттәшлекте үҫтереү мөмкинлектәре ҡаралды. Иран вәкилдәре Башҡортостан менән яҡыныраҡ танышырға теләк белдерҙе.
