Медицина хеҙмәткәрҙәрен бүләкләү тантанаһы алты майҙансыҡта уҙа. Республика менән идара итеү үҙәгендә 50 табип һәм шәфҡәт туташына маҡтаулы исемдәр тапшырылды. Саҡмағош районы Үрге Аташ ауылы фельдшеры Рәсүлә Желнова 35 йылдан ашыу һаулыҡ һаҡлау өлкәһендә эшләй. “21 йыл ауыл халҡын дауалайым”, - ти Башҡортостандың атҡаҙанған медицина хеҙмәткәре.
“Республикала яңы һаулыҡ һаҡлау учреждениелары төҙөлә, шулай уҡ биналарҙы яңыртыуға ҙур иғтибар бирелә”, - ти Башҡортостан Хөкүмәте Премьер-министры Андрей Назаров.
