Йылайырҙа Ҡурайға һәйкәл ҡуйылды. Ул данлыҡлы музыкант Ишмулла Дилмөхәмәтовтың тыуған ере Иҫке-Якуп ауылында урынлаштырылды. Һәйкәл эскизын йәш архитектор Айгиз Солтанов эшләгән. Уның проекты район хакимиәте башлығы Борис Мелкоедов иғлан иткән конкурста беренсе урын алған. Айгиз Солтанов әйтеүенсә, Ишмулла Дилмөхәмәтовтың ижады уға илһам өҫтәгән, көс биргән.
