Киләһе аҙнала “Шүлгәнташ” тарихи-мәҙәни музей комплексы асыла. Башҡортостан Башлығы Радий Хәбиров бөгөн Хөкүмәттәге оператив кәңәшмә барышында ошо турала белдерҙе.
Шүлгәнташ – илдә палеолит дәүеренә ҡараған берҙән-бер ҡая сәнғәте музейы була. Унда ҡуйылған экспозиция 7 темаға бүленгән. Иң сағыуҙарының береһе – боронғо ҡая һүрәттәренең күсермәһе, тигән фекерҙә Рәсәй Фәндәр академияһы президенты Александр Сергеев.
“Шүлгәнташ” тарихи-мәҙәни музей комплексын асыу тантанаһы 9 июлгә билдәләнгән.
