Бөгөн Башҡортостан Үҙәк һайлау комиссияһының яңы составы һайланды. Өфөлә үткән ултырышта комиссия рәйесе, уның урынбаҫары һәм комиссия секретаре билдәләнде. Үҙәк һайлау комиссияһы ағзалары рәйес вазифаһына бер тауыштан Илона Макаренконы һайланы. Ул беҙҙең телерадиокомпанияға биргән интервьюһында ошоларҙы белдерҙе.
Республика Үҙәк һайлау комиссияһының эшләү мөҙҙәте 5 йыл була. Рәсәй Үҙәк һайлау комиссияһы ағзаһы Евгений Шевченко яңы һайланған рәйескә уңыштар теләне.
Быйыл 11 сентябрҙә Берҙәм тауыш биреү көнө була. Унда өҫтәмә һайлауҙар, шулай уҡ 31 Советҡа тауыш биреү була.
