Уҙған тәүлектә яңы инфекция диагнозы тағы ла 49 кешегә ҡуйылған. Бөгөн стационарҙарҙа 128 кеше дауалана, уларҙың 71-е 60 йәштән өлкәндәр. 9 пациент ауыр хәлдә.
Тәүлек эсендә дауаханаларҙан 32 кеше һауығып сыҡҡан, 1 кеше вафат булған. Пандемия менән бәйле хәлдең тотороҡлана барыуына ҡарамаҫтан, республикала халыҡты коронавирусҡа ҡаршы вакциналау дауам итә.
Бөгөн Башҡортостандың Финанс министры Лира Иғтисамова ла ревакцинация үтте. Ул билдәләүенсә, коронавирустан ҡотолоуҙың берҙән-бер ысулы ул – вакцинация. Шуға ла үҙеңең һәм эргәһендәге кешеләрҙең сәләмәтлеген ҡайғыртыусылар мотлаҡ рәүештә уны эшләтергә тейеш.
