Башҡортостанда баҡсасылар дәүләт субсидияһына дәғүә итә ала. Ярҙам шәхси биләмәһендә йәшелсә үҫтергән һәм һатыуға сығарған кешеләргә бүленә. Башҡортостан Хөкүмәте вице-премьеры – Ауыл хужалығы министры Илшат Фәзрахманов белдереүенсә, аҡса алыу өсөн үҙмәшғүл булып теркәлеү мөһим.
Илшат Фәзрахманов әйтеүенсә, үҙмәшғүл дәрәжәһен алыуҙан ҡурҡырға кәрәкмәй.
Министр фекеренсә, дәүләт ярҙамы етештереү ҡеүәттәрен арттырырға һәм баҙарға сығарылған продукцияны күбәйтеүгә булышлыҡ итергә тейеш.
