Өфөлә билдәле балет оҫтаһы Рудольф Нуриевҡа арнап фильм күрһәтелде. Кино сеансы Нестеров исемендәге Башҡорт дәүләт художество музейында ойошторолдо. Фильм “Рудольф Нуриев. Нездешний остров” тип атала. Сара барышында Республика Милли симфоник оркестры башҡарыуында камера музыкаһы концерты ойошторолдо. “Данлыҡлы яҡташыбыҙҙың һуңғы йылдары тураһында документаль фильм тиҙҙән зәңгәр экрандарға сыға”, - тип белдерҙе сараны ойоштороусы Марина Чепикова.
