Батыр йөрәкле малай Ғафури районындағы Көгөш йылғаһында батып барыусыларҙы ярға сығарған.
Стәрлетамаҡтан өләсәһенә ҡунаҡҡа килгән уҡыусы уҙған шәмбе йылға буйына ял итергә төшкән булған. Ошо мәлдә уның күҙ алдында бәләкәй бала бата башлаған. Ярҙамға ашыҡҡан атай кеше лә улын һыуҙан үҙаллы сығара алмаған. Ваҡиға шаһиты шунда уҡ һыуға һикереп ярҙамға ташланған һәм ҡотҡарыу түңәрәге менән уларҙы тартып сығарған.
«Малай батып үлер, тип кенә ҡурҡтым. Ә уларҙы атаһы менән икеһен һөйрәү ауыр булманы. Мин яҡшы йөҙәм, дүртенсе кластан йөҙөү менән шөғөлләнәм» – тигән йәш герой.
Илдар Байбулатов
