Быйыл хужалыҡтар һутлы мал аҙығы әҙерләүгә иғтибар бирә. “Былтырғы ҡоролоҡ беҙгә ҙур һабаҡ булды. Быйыл иһә ямғыр йыш яуа. Мал аҙығы әҙерләүҙә яңы технологиялар үҙләшерәбеҙ”, - ти ауыл хужалығы эшсәндәре. Балтас районы хеҙмәтсәндәре сенаж һала, бесән саба. “Эш йылдам бара. Ике йыллыҡ мал аҙығы запасы булдырыу бурысы ҡуйылды”, - ти район хакимиәтенең бүлек мөдире Флорид Хәбибов.
