“Сәләмәтлек республика – сәләмәт төбәк” акцияһы барышында 54 меңгә яҡын кеше Өфө табиптарына күренгән. Һаулыҡ һаҡлау министрлығынан хәбәр итеүҙәренсә, халыҡты терапевт, хирург, онколог, кардиолог, эндокринолог һәм башҡа белгестәр ҡабул итә. Сара барышында 200-гә яҡын кешелә яман шешкә шик асыҡланған, 400 пациентҡа – шәкәр диабеты, 1 мең 700-гә яҡын кешегә йөрәк-ҡан тамырҙары ауырыуы диагнозы ҡуйылған. “Сәләмәтлек поездары” республика райондары буйлап көҙгә тиклем йөрөй.
