Республикала үҫмерҙәр йәйге осорҙа аҡса эшләй ала. Халыҡ мәшғүллеге үҙәгенән хәбәр итеүҙәренсә, йәштәр өсөн ваҡытлыса вакансиялар бар. 14 йәштән өлкән егеттәр һәм ҡыҙҙар промоутер, анкета тултырыусы, интервью алыусы булып эшләй ала. 16 йәштән өлкән үҫмерҙәргә кассир, һатыусы, официант, аниматор кеүек вакансиялар тәҡдим ителә. Өфөлә, мәҫәлән, йәйәүле курьер өсөн 58 мең һум, үлән сабыусыға – 45, мебель һатыусыға – 35, шылтыратыуҙар ҡабул иткән белгескә 30 мең һум эш хаҡы түләнә.
