Йәш патриоттар. Башҡортостандан Донбассҡа студенттар отряды юлланды. Емерелгән һәйкәлдәрҙе төҙөкләндереүгә йәлеп ителәсәк дүрт егет Өфө тимер юл станцияһынан Донецк халыҡ республикаһына ҡуҙғалды. Бөрө кооператив техникумы студенттары ике ай дауамында Рәсәйҙең төрлө ҡалаларынан йыйылған төркөм составында зыян күргән объекттарҙы төҙөкләндереүҙә ҡатнашасаҡ.
Рәсәй студент отрядтары Донецк һәм Луганск халыҡ республикаларын төҙөкләндереүҙә 2014 йылдан алып ҡатнаша. Ошо ваҡыттан алып йәштәр көсө менән тарихи объекттар тәртипкә килтерелгән. Донецк республикаһының Дмитровка ауылы эргәһендәге «Саур-Могила» һәйкәлен тәртипкә килтереү эшенә 36 студент йәлеп ителәсәк.
Флорида Ким
