Бөрйән районында сафҡа индерелгән “Шүлгәнташ” тарихи-мәҙәни комплексы илдә берҙән-бер палеолит осороноң ҡая сәнғәте музейы була. Уның экспозицияһы ете тематик өлөштән тора. "Музей донъя кимәлендәге үҙәктәр тәжрибәһен бергә туплаған урын", - ти Республика күсемһеҙ мәҙәни мираҫ обьекттарын файҙаланыу буйынса үҙәк етәксеһе Данир Ғәйнуллин.
9 июлдә “Шүлгәнташ” дәүләт ҡурсаулығының музей-экскурсия комплексы килеүселәрҙе ҡабул итмәйәсәк. Сикләү “Шүлгән-Таш” тарихи-мәҙәни музей комплексы асылыуы һәм махсус саралар үткәрелеүгә бәйле индерелә.
