Арыҫлан Мөбәрәков исемендәге Сибай дәүләт театры сираттағы ижад миҙгелен премьера менән тамамлай. Тамашасыларға Дауыт Юлтыйҙың “Әлимә, йәки Мырҙаш ҡарт туйы” повесы буйынса сәхнәләштерелгән спектакль тәҡдим ителә. “Башҡорт әҙәбиәте классигы яҙған был тарих һәр кемебеҙҙең күңеленә лә үтер, фәһемле булыр”, ти театрҙың әҙәби-драматик бүлеге етәксеһе Гөлсәсәк Саламатова.
