Радий Хәбиров ҡаты көнкүреш ҡалдыҡтарын ваҡытында ташымаған төбәк операторы эшен тәнҡитләне. Бөгөн Хөкүмәттә оператив кәңәшмәлә Дүртөйлө зонаһы өсөн яуаплы төбәк операторы эшмәкәрлеге иғтибарға алынды. Халыҡтан сүп-сарҙы ваҡытында сығармаған өсөн күпләп ялыуҙар килгән. Башҡортостан Башлығы Тәбиғәттән файҙаланыу һәм экология министры Нияз Фазыловҡа етешһеҙлектәргә сәбәпсе булған операторҙы алмаштырырға ҡушты.
