Башҡортостанда былтыр экспорт 3 миллиард 700 миллион һумға еткән. Республика Хөкүмәте Премьер-министры Андрей Назаров Екатеринбургта Рәсәй экспорт үҙәге генераль директоры Вероника Никишина менән осрашты. Беҙҙең республика “Иннопром” халыҡ-ара сәнәғәт күргәҙмәһендә беренсегә айырым стенд ойошторҙо. 2021 йылда Башҡортостандың тышҡы тауар әйләнеше 4 миллиард 600 миллион һум булды. Республиканың Экспортҡа ярҙам итеү үҙәге илдә икенсе урын алды. Вероника Никишина экспортҡа бәйле эшмәкәрлекте юғары баһаланы һәм артабан хеҙмәттәшлекте үҫтерергә саҡырҙы.
