Өфөнөң биатлон комплексына юл хәрәкәте хәүефһеҙлеге һәм полиция хеҙмәткәрҙәре авто күпалыш турнирына йыйылды. Сараға илдең 56 төбәгенән йөҙҙән ашыу хеҙмәткәр йыйылған. Бәйге бер аҙна дауам итә.
Бөгөн ярыш майҙанында чемпионатты асыу тантанаһы үтте. Һуңынан бәйге тотоусылар онлайн рәүештә юл ҡағиҙәләре буйынса белемен һынаны. Хеҙмәткәрҙәр алдында биш минутта 20 күнегеүҙе үтеү бурысы тора ине. Быйыл профессиональ конкурс унынсы йыл рәттән ойошторола. Әйткәндәй, Башҡортостан командаһы – чемпионаттың даими еңеүселәре.
Рәзилә Ғиниәтуллина
