Бөгөн Башҡортостандың 29 районы һәм ҡалаһына 64 берәмек коммуналь техника тапшырылды. Республика Башлығы Радий Хәбиров белдереүенсә, йыл дауамында йәнә коммуналь техника алыныуы көтөлә.
Бөгөн тапшырылған техника араһында 25 йөк тейәгес, 19 трактор, 25 экскаватор бар. Улар йәйен дә, ҡышын да урам һәм юлдарҙы таҙартыу эштәре өсөн тәғәйенләнгән. Көйөргәҙе районы хакимиәте башлығы Юлай Ильясов әйтеүенсә, яңы техника алып ҡайтыу шатлыҡлы ваҡиға.
Әлшәй районы хакимиәте башлығы Дамир Мостафин әйтеүенсә, уларға бирелгән техника Шафран ауылы өсөн тәғәйенләнә.
Торлаҡ-коммуналь хужалыҡ министрлығынан хәбәр итеүҙәренсә, коммуналь техника һатып алыуға бюджеттан 1 миллиард 432 миллион һум бүленгән. Был аҡсаға 239 берәмек техника һәм төрлө ҡорамалдар ҡайтарылған.
