Һәйкәлдә Чечен Республикаһында контртеррористик операциялар барышында ғүмерҙәре өҙөлгән биш ир-егеттең исемдәре мәңгеләштерелде. Улар – Юрий Әбдрәев, Ульян Мөхәмәтйәнов, Динар Хәйруллин, Эдуард Мыгыт һәм Александр Гордеевтар. Мемориал 2000-се йылдар башында Төньяҡ Кавказдағы хәрби бәрелештәр ветерандары тәҡдиме һәм көсө менән сафҡа ингән.
Шаран районынан быуат башындағы контртеррористик операцияла 172 кеше ҡатнашҡан. Һәйкәл асыу тантанаһында 33 ветеран икенсе дәрәжә «Кавказда хеҙмәт иткән өсөн» хәрби билдәһе менән бүләкләнде. Киләсәккә оло маҡсаттар ҡуйған мәлдә ғүмерҙәре өҙөлгән 20 йәшлек егеттәрҙе лә Шаран ере онотмай. Тантанала ҡатнашыусылар мәрхүмдәрҙе бер минут тынлыҡ менән иҫкә алып, һәйкәлдәр тереләр өсөн тип ҡабатланы.
Гөлдәриә Йосопова
