Ҡорбан байрамына әҙерлек дауам итә. Изге ғәмәлде башҡарыу ниәтендә, ҡорбан салыу өсөн Башҡортостан мосолмандары Диниә Назараты Өфө эргәһендә ике майҙансыҡ булдыра. Улар Төньяҡ автовокзал һәм Зинин ауылындағы “Ҡарауан” сауҙа комплексы янында урынлаша. Быйыл бер һарыҡтың уртаса хаҡы - 7-9 мең һум тирәһе. Ваҡ малдың йәше 1 йәштән өлкән, эре мөгөҙлө мал 2 йәштән олораҡ булырға тейеш. Хәҙрәт Рәмил Зәйнуллиндан кәңәштәр.
Ҡорбан байрамы быйыл 9 июль - шәмбегә тура килә. Ошо уңайҙан республикала 9, 10, 11 июль ял көндәре тип иғлан ителде.
