Башҡортостандан хажға барыусылар Сәғүд Ғәрәбстанында. 150 кешенән торған төркөм был көндәрҙә Мәккәлә, мосолмандар өсөн иң изге ғәмәлдәрҙең береһен башҡарырға әҙерләнә. Республика мосолмандары Диниә назараты рәйесе Айнур Бирғәлин әйтеүенсә, Башҡортостан киләсәктә квоталар һанын арттырыу йүнлешендә эш алып бара.
Хаж ҡылырға теләүселәрҙең йәше 65-тән үтмәҫкә тейеш. 45 йәшкә тиклемге ҡатындар Мәккәгә ир туғандары йәки тормош иптәше оҙатыуында ғына юллана ала.
