Башҡортостанда “офшор” биләмәһе барлыҡҡа килеүе ихтимал. Дәүләт Йыйылышы – Ҡоролтай республикала махсус административ район булдырыу тәҡдиме менән сыҡҡан. Закон проекты Дәүләт Думаһына ебәрелгән. Бындай биләмәлә резидент ойошмалар өсөн һалым түләү йәки эшмәкәрлек алып барыу яғынан төрлө ташлама һәм ябай шарттар була. Республика парламентынан хәбәр итеүҙәренсә, махсус административ районда шәриғәт стандарттары буйынса ислам бизнесы тәжрибәһен ҡулланырға мөмкин.
