“Сәләмәт төбәк – сәләмәт республика” акцияһы барышында 68 меңдән ашыу кеше табиптарға күренгән. Өфөнән медицина белгестәре райондарға сығып халыҡты ҡабул итә. Акция 21 апрелдә башланды. Ошо ваҡыт эсендә табиптар заманса аппараттарҙа 25 меңдән ашыу медицина тикшереүе үткәргән. Өфө табиптары алты маршрут буйынса эшләй. Бөгөндән Благовешен районының Туғай, Дыуандың Сальевка, Краснокаманың Ҡарый, Йәрмәкәйҙең Тарҡазы, Федоровканың Новоселка һәм Йылайырҙың Һабыр ауылдарында халыҡты ҡабул итәләр.
