Башҡортостанда Минск автомобиль заводының йөк техникаһы етештереү цехын асыу планлаштырыла. “Иннопром” халыҡ-ара сәнәғәт күргәҙмәһе барышында ошо турала һөйләшелде. Сәнәғәт, энергетика һәм инновациялар министры Александр Шельдяев һүҙҙәренсә, предприятие мөлкәткә һалымдан азат ителә. Шулай уҡ килемгә һалым кәметелә, ҡуртым хаҡына ташлама була, башҡа ярҙам саралары ла ҡарала. Йылына 1 мең махсус техника етештереү күҙаллана.
